J'é certe neuit ch'am resto 'nt la memòria come 'nt ël marmo anchërne dë scopel pàgine sperse d'un'antica stòria, date fissà 'nt ël cheur e 'nt ël servel.
Neuit dë student, për longhe ore, mineuje, sij lìber gròss, sota l'afann dj'esame; e neuit d'artista pien-e 'd seugn da cheuje con j'euj lusent e con la testa an fiame.
Neuit ëd baldòrie: tèila birichin-a, picà 'd rijade e fioragià 'd basin: amor volant ch'i s'ancontravo a sin-a e is separavo a l'indoman matin.
I l'oma da manca 'd volontari ch'an giuto! S'a veul marchesse da volontari për na chèich atività dl'associassion, ch'an lassa un messagi ambelessì. Ch'as visa 'd dine quand, andoa e coma ch'a peul giutene! Mersì :)
