La prima sosta

Settembre 1944

Solitari sla montagna
camposanto dla Roà...
Tra le bele fior 'd campagna
lì mè fieul l'é stàit sotrà.

L'han sotralo 'ntla bataja
sota ij crèp dle canonà,
con le fiame e la mitraja
s'a l'han faje la compagnà.

Pian pianin, tacà mè fieul,
prope lì contra 'l sò cheur
l'hai posaje 'dcò 'l mè cheur
derelit e fatigà

e 'nvlupà 'nt l'istess linseul
l'hai sotrà mia poesìa
per ch'a-j fèissa companìa
sla montagna dla Roà.