Piemont dev vive (La canson dij Brandé)

Ant nòstr cheur ël cel s'anrèisa,
gius ëd tèra a l'é nòstr sangh:
nòstra lenga piemontèisa
l'é la sava 'd nòstr doman.

Piemont, ardità d'amor
ch'a l'ha dane 'l Creator...
Piemontèis, Piemont dev vive
sij brandé dël nòstr onor.

Ant la ment la vos testarda
dle montagne 'd nòstr pais,
drinta l'ànima gajarda
branda 'l feu pa mai destiss.

Piemont, ardità d'amor
ch'a l'ha dane 'l Creator...
Piemontèis, Piemont dev vive
sij brandé dël nòstr onor.

Për Piemont e për l'Euròpa,
gent dla pian-a e gent dij brich,
soma a l'erta ardì sla piòta
con l'ardor dij Gaj antich.

Piemont, ardità d'amor
ch'a l'ha dane 'l Creator...
Piemontèis, Piemont dev vive
sij brandé dël nòstr onor.